Superb Poem...!! About childhood

Ek bachpan ka
zamana tha,

jisme khushiyon ka
khazana tha;

chahat chand ko
paane ki thi,

par dil titli ka
deewana tha.

Khabar na thi
kuch subah ki,

na shaam ka
thikana tha;

thak haarke aana school se, par khelne bhi jaana tha.

Maa ki kahani thi,
pariyon ka fasana tha;
barish mein kagaz ki naav thi, har mausam suhana tha.

Har khel mein saathi the,
har rishta nibhana tha;
gum ki zuban na hoti thi,
na zakhmon ka paimana tha.

Rone ki wajah na thi,
na hansne ka bahana tha; kyon ho gaye hum itne bade, isse achha to
woh bachpan ka zamana tha....